நடிகர் தனுஷ் நடித்த ஹாலிவுட் படமான ’தி கிரே மேன்’ ஜூலை 22ஆம் தேதி நெட்பிளிக்ஸ் ஓடிடி தளத்தில் வெளியானது. படம் வெளியான சில நாட்களுக்கு பின், படத்தின் அடுத்த பாகத்தை உருவாக்க உள்ளதாக இயக்குநர்களான ரூஸோ பிரதர்ஸ் அறிவித்திருந்தனர். அதிலும் நடிகர் தனுஷ் பங்கேற்பாரா என ரசிகர்கள் எதிர்பார்த்து வந்தனர்.
இந்நிலையில், ரசிகர்களின் எதிர்பார்ப்புகளை பூர்த்தி செய்யும் வகையில் இன்று தனது ட்விட்டர் பக்கத்தில் சூப்பர் அப்டேட் ஒன்றை தனுஷ் குடுத்துள்ளார். இதுகுறித்து ட்விட்டரில் தனுஷ் வெளியிட்டுள்ள ஆடியோ பதிவில், ’தி கிரே மேன்’ படத்தின் ஹீரோவை எதிர்ப்பது போன்ற வசனத்தை தனுஷ் பேசுகிறார்.