'நான் அரசியல்வாதி இல்லை, 'சோல்ஜர்'..!' - பீஸ்ட் ட்ரெய்லரில் விஜய்

நடிகர் விஜய் நடிப்பில் அடுத்து வெளிவரவுள்ள 'பீஸ்ட்' திரைப்படத்தின் ட்ரெய்லர் இணையதளத்தில் வெளியாகியுள்ளது.

சென்னை: நடிகர் விஜய் நடிப்பில் அடுத்து வெளிவரவிருக்கும் திரைப்படம் தான் 'பீஸ்ட்'. இத்திரைப்படத்தை சன் பிக்சர்ஸ் பிரமாண்டமாக தயாரித்துள்ளது. 'கோலமாவு கோகிலா', 'டாக்டர்' திரைப்படத்தை இயக்கிய நெல்சன் திலீப்குமார் இப்படத்தை இயக்கியுள்ளார். பூஜா ஹெக்டே, செல்வராகவன், ரெடின் கிங்ஸ்லீ, உள்ளிட்டப் பலர் இப்படத்தில் நடித்துள்ளனர். வருகிற மார்ச் 13 அன்று வெளிவரவிருக்கும் இத்திரைப்படத்தின் ட்ரெய்லர் இன்று(ஏப்.2) மாலை 6:00 மணிக்கு வெளிவரும் என அறிவிக்கப்பட்டிருந்த நிலையில், சரியாக குறித்த நேரத்திற்கு அப்படத்தின் ட்ரெய்லர் வெளியாகி ரசிகர்களிடையே பெரும் வரவேற்பைப் பெற்றுள்ளது.

ஆக்சன் திரில்லராக வெளிவரவிருக்கும் இத்திரைப்படம் விஜய் ரசிகர்கள் மற்றும் சினிமா ரசிகர்களால் பெரும் எதிர்பார்க்கப்படுகிறது. இப்படத்தின் ட்ரெய்லரில் 'நான் அரசியல்வாதியல்ல 'சோல்ஜர்'' என விஜய் பேசும் வசனம் அரசியல் வட்டாரத்தில் பெரும் தாக்கத்தை ஏற்படுத்தும் என எதிர்பார்க்கப்படுகிறது.