'எனக்கு GO-னா God's Order டா..!': பஞ்ச்-கள் பறக்கும் பாலய்யாவின் புது பட டீஸர்!

தெலுங்கு நடிகர் பாலகிருஷ்ணாவின் 107ஆவது படத்தின் டீஸர் அப்படக்குழுவினரால் இணையத்தில் வெளியிடப்பட்டுள்ளது.

தெலுங்கு நடிகர் பாலகிருஷ்ணா என்கிற பாலய்யா, சமீபத்தில் நடித்து வெளியான ‘அகண்டா’ திரைப்படம் நம் ஊர் நெட்டிசன்கள் மத்தியில் வழக்கமான பாலய்யாவின் படம் போல் பெரும்வாரியாக கலாய்க்கப்பட்டபோதும், அந்த மாநிலங்களில் பெரும் வசூலைப் பெற்றது. மேலும், அந்தத் திரைப்படம் பாலய்யா ரசிகர்களுக்கு விருந்தாகவும் அமைந்தது.

இந்நிலையில், அவர் நடித்த பெயரிடப்படாத 'NBK 107' படத்தின் டீஸர் இன்று(ஜூன் 9) பாலகிருஷ்ணாவின் பிறந்த நாளை முன்னிட்டு இணையத்தில் அப்படக்குழுவினரால் வெளியிடப்பட்டுள்ளது. இது பாலய்யா படம் ஆகையால், இதன் டீஸரில் அவரது ஸ்டைலில் அடுக்கடுக்காக பஞ்ச் வசனம் பேசி அடியாட்களைப் பறக்கவிடுகிறார், பாலய்யா.

குறிப்பாக டீஸரில் இடம்பெற்ற, 'உங்களுக்கு GO-னா Government Order எனக்கு GO-னா God's Order டா..!' போன்ற வசனமெல்லாம் பாலய்யாவின் டிரேட் மார்க் அம்சங்களின் பிரதிபலிப்பு. இது போன்ற பஞ்ச் வசனங்களுடன் பாலய்யா அடியாட்களை ஆகாயத்திற்கு பறக்கவிடும் பஞ்ச்-களும் இத்திரைப்படத்தில் உள்ளனபோலும்.

ஆகையால், இதனையடுத்து மீம் கிரியேட்டர்களுக்கு மற்றொரு புத்தம் புது கன்டென்ட் கிடைத்திருப்பது திண்ணம். இது 'அகண்டா'வைத் தாண்டுமா என்பதைப் பொறுத்திருந்து பார்க்கலாம்.