சென்னை: இயக்குநர் ரவிக்குமார் இயக்கத்தில் ஏலியனை மையமாக கொண்டு சயின்ஸ் ஃபிக்சன் படமாக உருவாகியுள்ள திரைப்படம் ’அயலான்’. இயக்குநர் ரவிக்குமார் ‘இன்று நேற்று நாளை’ என்ற டைம் டிராவல் படம் மூலம் தமிழ் சினிமா ரசிகர்களின் கவனத்தை பெற்றார். டைம் டிராவல் என்னும் கடினமான கதைக்களத்தை தமிழ் சினிமா ரசிகர்களுக்கு ஏற்றவாறு எளிதான முறையில் உருவாக்கியிருந்தார்.
இப்படத்தில் ரகுல் ப்ரீத் சிங், யோகிபாபு, கருணாகரன் உள்ளிட்டோர் நடித்துள்ளனர். ஏ.ஆர்.ரஹ்மான் இசையமைத்துள்ள இப்படத்துக்கு, நிரவ் ஷா ஒளிப்பதிவு செய்துள்ளார். அயலான் படத்தின் பணிகள் தொடங்கி பல்வேறு தடைகள் ஏற்படட்டதால் படத்தின் வெளியீடு தாமதமானது.
இந்த நிலையில் ஒருவழியாக 2024ஆம் ஆண்டு பொங்கல் பண்டிகைக்கு படம் வெளியாக உள்ளதாக தெரிவிக்கப்பட்டது. மேலும் படத்தின் டீஸர் வெளியாகி ரசிகர்கள் மத்தியில் பெரும் வரவேற்பைப் பெற்றுள்ளது.
இப்படத்தில் வரும் ஏலியனுக்கு பிரபல நடிகர் சித்தார்த் டப்பிங் குரல் கொடுத்துள்ளதாக படக்குழு சமீபத்தில் அறிவித்துள்ளது. இந்த அற்விப்பும் படத்தின் மீதான எதிர்பார்ப்பை அதிகரித்துள்ளது.