15 years of Sivaji: ரஜினிகாந்தை நேரில் சந்தித்த ஏவிஎம் சரவணன்!

நடிகர் ரஜினிகாந்த் நடிப்பில் வெளியான 'சிவாஜி' திரைப்படம் வெளியாகி 15 ஆண்டுகள் ஆனதைக் கொண்டாடும் வகையில், அப்படத்தைத் தயாரித்த ஏவிஎம் நிறுவனத்தின் உரிமையாளர் ஏவிஎம் சரவணன் மற்றும் அவரது குடும்பத்தினர் ரஜினிகாந்தை நேரில் சந்தித்தனர்.

நடிகர் ரஜினிகாந்த் நடிப்பில் 2007ஆம் ஆண்டு வெளியான 'சிவாஜி' திரைப்படம் தமிழ்த்திரையுலகில் வரலாறு காணாத வசூலைக் குவித்தது.

இன்று வரை அந்த சாதனையை தமிழ்த்திரையுலக வரலாற்றில் குறிப்பிடும் வகையில் இருந்து வருகிறது. இந்நிலையில், 'சிவாஜி' திரைப்படம் வெளியாகி 15 ஆண்டுகள் ஆனதைக் கொண்டாடும் வகையில், நேற்று(ஜூன் 16) அப்படத்தின் இயக்குநர் சங்கர் மற்றும் அவரின் மகள் அதிதி ஆகியோர் நடிகர் ரஜினிகாந்தை நேரில் சந்தித்தனர்.

அதனைத் தொடர்ந்து, இன்று(ஜூன் 17) காலையில் 'சிவாஜி' படத்தின் தயாரிப்பாளரான ஏவிஎம் சரவணன், எம்.எஸ். குகன் மற்றும் அருணா குகன் ஆகியோர் நடிகர் ரஜினிகாந்தை நேரில் சந்தித்து வாழ்த்து தெரிவித்தனர்.