அருண் விஜய்- சிவகார்த்திகேயன் சர்ச்சைகளின் பின்னணி

யார் மாஸ் காட்டுவது என சிவகார்த்திகேயன். அருண் விஜய் இடையே வெடித்த மோதல் பிறந்த நாள் வாழ்த்தின் மூலம் முடிவுக்கு வந்துள்ளது.

நடிகர்கள் சிவகார்த்திகேயன் மற்றும் அருண் விஜய் இருவருக்கும் இடையே எப்போதும் ஒரு சர்ச்சை உண்டு, அந்த சர்ச்சை அருண் விஜய் பதிவிட்ட ஒரு ட்வீட்-ல் இருந்து தொடங்கியது அது தற்போது வரையில் பேசப்பட்டு வருகிறது.

சிவகார்த்திகேயன் நடிப்பில் ‘சீமராஜா’ திரைப்படம் வெளியான போது நடிகர் அருண் விஜய் தனது ட்விட்டர் பக்கத்தில், "யார் எல்லாம் மாஸ் காட்டுவது என்ற விவஸ்தை இல்லாமல் போச்சு. தமிழ் ஆடியன்சுக்கு தெரியும். திறமைக்கு மட்டும் தான் மதிப்பு கொடுப்பார்கள்” என்று பதிவிட்டிருந்தார்.

அருண் விஜயின் இந்த ட்விட்டர் பதிவு சர்ச்சைகளை கிளப்பியது அன்றிலிருந்து இருவர் குறித்தும் சமூக வலைத்தளங்களில் அடிக்கடி ஏதாவது சர்ச்சை வெடித்து வந்தது. இந்த நிலையில் அருண் விஜயின் ட்விட்டர் பதிவுக்கு பதில் அளிக்கும் வகையில் Mr.லோக்கல் திரைப்படத்தில் அருண் விஜயின் ட்விட்டர் பதிவை நடிகர் சதீஷ் கூற சிவகார்த்திகேயன் “செம்ம காண்டுல இருக்கீங்க போல என் மேல” எனும் வசனம் இடம் பெற்றிருக்கும்.

இதனைத் தொடர்ந்து சமூக வலைத்தளங்களில் சிவகார்த்திகேயனின் ரசிகர்கள் நேரம் கிடைக்கும் போதெல்லாம் அருண் விஜயை சீண்டி வந்தனர். விழா ஒன்றில் அருண் விஜயை ஓரங்கட்டி சிவகார்த்திகேயன் அழைத்துச் செல்லப்படுவது போன்ற காட்சியும் சிவ கார்த்திகேயன் ரசிகர்களால் பெரிதும் வைரலாக்கப்பட்டது.

இதேபோல் தொடர்ந்து பல சர்ச்சைகள் இருவரிடையே இருந்து வந்தாலும் அருண் விஜயின் மகன் அர்னவ் பிறந்தநாளுக்கு சிவகார்த்திகேயன் ட்விட்டரில் வாழ்த்து கூறியுள்ள சம்பவம் இருவரிடையே இருந்த மோதலை அதிகாரப்பூர்வமாக முடிவுக்கு கொண்டு வந்துள்ளது. தமிழ் சினிமாவில் குறுகிய காலத்தில் உச்சம் தொட்ட சிவகார்த்திகேயனுக்கும், தொடர் தோல்விகளை கொடுத்தாலும் துவண்டு விடாமல் இருக்கும் அருண் விஜய்க்கும் இடையே ஏற்பட்டுள்ள சமாதான உடன்பாடு ரசிகர்களை உற்சாகமடையச் செய்துள்ளது.

இதையும் படிங்க:தமிழ் சினிமாவின் டான் சிவகார்த்திகேயன் - உதயநிதி ஸ்டாலின்!