நடிகை சமந்தாவுக்கு மீண்டும் உடல்நலக்குறைவு?

நடிகை சமந்தா மீண்டும் உடல்நலக்குறைவு ஏற்பட்டு, ஹைதராபாத்தில் உள்ள மருத்துவமனையில் அனுமதிக்கப்பட்டுள்ளதாக இணையத்தில் வெளியான செய்தி வெறும் வதந்தி என சமந்தா தரப்பில் விளக்கம் அளிக்கப்பட்டுள்ளது.

சென்னை: தென்னிந்திய சினிமாவில் தனக்கென தனி ரசிகர் பட்டாளத்தை கொண்டவர் நடிகை சமந்தா. இவர் நடித்த "யசோதா" திரைப்படம் கடந்த மாதம் வெளியானது. சமந்தாவுக்கு அண்மையில் மயோசிடிஸ் எனப்படும் அரிய வகை தோல் நோய் ஏற்பட்டது.

யசோதா படத்திற்கான டப்பிங் பணியின்போதும் கையில் ட்ரிப்ஸ் உடன் காணப்படும் புகைப்படத்தை சமூக வலைதளங்களில் பகிர்ந்திருந்தார். தனது உடல்நிலை குறித்தும், ரசிகர்களின் அன்புக்கு நன்றி தெரிவிப்பதாகவும் உருக்கமாக அந்த பதிவில் தெரிவித்திருந்தார்.

இந்நிலையில் நடிகை சமந்தா மீண்டும் உடல்நலக்குறைவு ஏற்பட்டு, ஹைதராபாத்தில் உள்ள மருத்துவமனையில் அனுமதிக்கப்பட்டுள்ளதாக சமூக வலைத்தளங்களில் தகவல் வெளியானது. ஆனால், இந்த தகவல் வெறும் வதந்தி என்றும், சமந்தா தனது வீட்டில் ஓய்வில் இருக்கிறார் என்றும் அவரது செய்தித் தொடர்பாளர் விளக்கம் அளித்துள்ளார்.