தென்னிந்திய நடிகர் சங்கத்தின் முன்னாள் தலைவர் விஜயகாந்தின் 70ஆவது பிறந்த நாளான இன்று(ஆக.25) நடிகர் சங்கம் சார்பில், பொருளாளர் கார்த்தி நேரில் சென்று மலர்க்கொத்து கொடுத்து வாழ்த்துத்தெரிவித்தார். இவருடன் சங்க செயற்குழு உறுப்பினர்கள் பிரேம்குமார், ஹேமச்சந்திரன் ஆகியோர் இருந்தார்கள்.
நடிகர் விஜயகாந்தைப் பற்றி நடிகர் கார்த்தி கூறியதாவது, ”விஜயகாந்த் என்றாலே முதலில் நினைவிற்கு வருவது அவருடைய தைரியம் தான். அதேபோல், யார் வந்தாலும் சாப்பிடலாம் என்று சிறு வயதிலிருந்தே கேள்விப்பட்டிருக்கேன்.