சென்னை: தமிழ் திரையுலகின் முன்னணி நடிகர்களுள் ஒருவர் நடிகர் விஜய். இவர் தற்போது இயக்குநர் லோகேஷ் கனகராஜ் இயக்கத்தில் 'லியோ' படத்தில் நடித்துள்ளார். இப்படத்தில் த்ரிஷா கதாநாயகியாக நடிக்க, மிஷ்கின், அர்ஜுன், கௌதம் மேனன், சஞ்சய் தத், மன்சூர் அலிகான் உள்ளிட்ட பல திரைத்துறை நட்சத்திரங்கள் நடித்துள்ளனர்.
மேலும் இசையமைப்பாளர் அனிருத் இசை அமைத்துள்ளார். முன்னதாக இப்படத்தின் இரண்டு பாடல்கள் வெளியாகி ரசிகர்கள் மத்தியில் நல்ல வரவேற்பைப் பெற்றது. குறிப்பாகப் பாடலில் இடம் பெற்று இருந்த விரிகள் விவாத பொருளாகவும் மாறியது.
இந்நிலையில் கடந்த செப்டம்பர் 30ஆம் தேதி அன்று, 'லியோ' படத்தின் இசை வெளியீட்டு விழா சென்னை நடைபெறுவதாக இருந்தது. ஆனால் திடீரென தயாரிப்பு நிறுவனம் இசை வெளியீட்டு விழாவைப் பாதுகாப்பு கருதி ரத்து செய்ததாக அறிவித்தது. இது நடிகர் விஜயின் குட்டி கதையை கேட்க எதிர்பார்ப்போடு இருந்த அவரது ரசிகர்களுக்கு பெரும் ஏமாற்றத்தை அளித்தது.