புதுச்சேரியில் ‘பீஸ்ட்’ பட பேனர் அகற்றம்... ரசிகர்கள் வாக்குவாதம்...

புதுச்சேரியில் விஜய் பேனர் அகற்றப்பட்டதால் அதிகாரிகளுடன் ரசிகர்கள் வாக்குவாதத்தில் ஈடுபட்டனர்.

புதுச்சேரி: நடிகர் விஜய் நடித்த ‘பீஸ்ட்’ திரைப்படம்ஏப். 13ஆம் தேதி வெளியாக உள்ளது. இதனை முன்னிட்டு விஜய் ரசிகர்கள் திரையரங்குகள் முன்னே பேனர் வைத்து வருகின்றனர். அந்த வகையில் புதுச்சேரி மாநிலம் வில்லியனூர் பகுதியில் பேனர் வைக்கப்பட்டபோது, இதற்கு அனுமதியில்லை என்று கூறி கொம்யூன் அதிகாரிகள் அகற்றினர்.

இதற்கு விஜய் ரசிகர்கள் எதிர்ப்பு தெரிவித்து அதிகாரிகளிடம் வாக்குவாதத்தில் ஈடுபட்டனர். அப்போது அதிகாரிகள் அனுமதி பெறாமல் பேனர் வைக்கப்பட்டிருப்பதால் அகற்றுவதாகவும், முன்னதாக அனுமதி கோரியிருந்தால் இந்த பிரச்சினை வந்திருக்காது என்றும் தெரிவித்தனர்.

இதையும் படிங்க:'திரை தீப்பிடிக்கும்..!' : 'பீஸ்ட் மோடில்' தளபதி விஜய்