தமிழில் கார்த்தியை வைத்து 'தோழா' படத்தை இயக்கியவர் வம்சி பைடிபள்ளி. தெலுங்கு சினிமாவில் முன்னணி இயக்குநராக வலம் வரும் வம்சி பைடிபள்ளி தற்போது நடிகர் விஜயை வைத்து புதிய படத்தை இயக்குகிறார். இப்படத்தை தில் ராஜூ தயாரிக்கிறார். இப்படம் தமிழ், தெலுங்கு ஆகிய இரு மொழிகளில் வெளியாகிறது.
இது விஜய்க்கு 66ஆவது திரைப்படம். அண்மையில் படப்பிடிப்பு தொடங்கியது. இப்படம் காதல், குடும்ப சென்டிமென்ட் படமாக உருவாகிறது. இந்த நிலையில் இப்படத்தில் விஜய்க்கு தந்தையாக நடிகர் சரத்குமார் நடிக்க உள்ளதாக தகவல் வெளியானது. அத்துடன் இப்படத்தில் விஜய்க்கு இரண்டு அண்ணன்கள் இருப்பதாகவும், அந்த வேடத்தில் நடிக்க 90-களில் முன்னணியிலிருந்த இரண்டு நடிகர்களிடம் பேச்சுவார்த்தை நடந்துவருவதாக கூறப்பட்டது.