அண்ணா பல்கலை.யில் வாக்குப்பதிவு இயந்திரங்கள் பாதுகாப்பு!

சென்னை: தென்சென்னை தொகுதியில் பயன்படுத்தப்பட்ட வாக்குப்பதிவு இயந்திரங்கள் அண்ணா பல்கலைக்கழகத்தில் பாதுகாப்பாக வைக்கப்பட்டுள்ளது.

தமிழ்நாட்டில் உள்ள 39 நாடாளுமன்ற தொகுதிகளில் வேலூர் நீங்கலாக எஞ்சிய 38 தொகுதிகளுக்கான தேர்தல் நேற்று ஒரே கட்டமாக தேர்தல் நடைபெற்றது.

இதில், 70.90% சதவீத மக்கள் தங்களின் வாக்குகளைப் பதிவு செய்துள்ளனர். அதிகபட்சமாக நாமக்கல் தொகுதியில் 79.75 சதவீத வாக்குகளும், குறைந்தபட்சமாக தென் சென்னை தொகுதியில் 57.43 சதவீத வாக்குகளும் பதிவாகியுள்ளன. இதற்கான வாக்கு எண்ணும் பணிகள் மே 23ஆம் தேதி நடைபெறுகிறது.

இந்நிலையில், தென்சென்னை தொகுதியில் பயன்படுத்தப்பட்ட வாக்குப்பதிவு இயந்திரங்கள், விவி பாட் கருவிகள் முதலானவை கிண்டி அண்ணா பல்கலைக்கழகத்தில் அமைக்கப்பட்டுள்ள வாக்கு எண்ணும் மையத்தில் பாதுகாப்பாக வைக்கப்பட்டுள்ளது.