மக்களவைத் தேர்தல் இன்று தொடங்கி மே 19ஆம் தேதி வரை ஏழுக் கட்டங்களாக நடைபெற உள்ளது. இத்தேர்தலுடன் ஆந்திரா, ஒடிசா, அருணாச்சல், சிக்கிம் ஆகிய 4 மாநில சட்டப்பேரவைகளுக்கும் தேர்தல் நடைபெற உள்ளது.
மக்களவைத் தேர்தலில் 20 மாநிலங்கள், ஒன்றிய பிரதேசங்கள் உட்பட 91 தொகுதிகளில் முதல்கட்டமாக இன்று வாக்குப்பதிவு நடைபெற்று வருகிறது. இதன்படி ஆந்திரா 25, அருணாச்சல பிரதேசம் 2, அசாம் 5, பிஹார் 4, சத்தீஸ்கர் 1, ஜம்மு காஷ்மீர் 2, மகாராஷ்டிரா 7, மணிப்பூர் 1, மேகாலயா 2, மிசோரம் 1, நாகாலாந்து 1, ஒடிசா 4, சிக்கிம் 1, தெலங்கானா 17, திரிபுரா 1, உத்தரப்பிரதேசம் 8, உத்தரகண்ட் 5, மேற்கு வங்கம் 2, அந்தமான் நிக்கோபார் தீவுகள் 1, லட்சத்தீவுகள் 1 என மொத்தம் 91 தொகுதிகள் முதல்கட்ட தேர்தல் வாக்குப்பதிவு நடைபெற்று வருகிறது.