திண்டுக்கல்: திண்டுக்கல் மாவட்டம், கொடைக்கானல் பாக்கியபுரத்தைச் சேர்ந்த 11ஆம் வகுப்பு பள்ளி மாணவியை காணவில்லை என மாணவியின் பெற்றோர் கடந்த 15ஆம் தேதி கொடைக்கானல் காவல் நிலையத்தில் புகார் கொடுத்தனர். இதனைத் தொடர்ந்து விசாரணை மேற்கொண்டு மாணவியை தேடி வந்த காவல் துறையினர், இளைஞர் ஒருவருடன் மாணவி கோவையில் இருப்பது தெரிந்து அவரை மீட்டுவந்தனர்.
மாணவியிடம் நடத்திய விசாரணையில், கொடைக்கானல் பகுதியைச் சேர்ந்த சாம்சன் என்ற இளைஞர், கடந்த மூன்று ஆண்டுகளாக தன்னை காதலிப்பதாக கூறி பாலியல் துன்புறுத்தல் செய்து கர்ப்பமாக்கியதும், தன்னைக் கடத்திச் சென்றதாகவும் தெரிவித்தார்.