துபாயிலிருந்து நேற்று முன்தினம் (பிப்.4) மாலை சென்னை வந்த இண்டிகோ ஏா்லைன்ஸ் விமானம் இரவு உள்நாட்டு விமானமாக கவுகாத்தி சென்றுவிட்டு, நேற்று (பிப். 5) அதிகாலை மீண்டும் சென்னை உள்நாட்டு விமானநிலையம் வந்தது. அந்த விமானம் மீண்டும் நேற்று (பிப். 5) காலை டில்லி புறப்பட தயாரானது. அதற்கு முன்னதாக விமானத்தை சுத்தப்படுத்தும் போது, விமானத்திற்குள் மறைத்து வைத்திருந்த பையிலிருந்து 1.2 கிலோ எடையுடைய தங்கக்கட்டிகளை இண்டிகோ ஏா்லைன்ஸ் ஊழியா்கள் கண்டெடுத்து சென்னை விமானநிலைய சுங்கத்துறையிடம் ஒப்படைத்தனா்.
இதையடுத்து சுங்கத்துறையினா் வழக்குப்பதிவு செய்து, விமானநிலையம், அந்த விமானத்திற்குள் உள்ள சிசிடிவி காட்சிகளை ஆய்வு செய்தனா். அப்போது, கடத்தல் ஆசாமியை அடையாளம் கண்டனா். காஞ்சிபுரத்தைச் சோ்ந்த முகபத் கான் (56) என்பவா் தான் கடத்தல் ஆசாமி என்று தெரியவந்தது. இதையடுத்து, அந்த கடத்தல் ஆசாமி செல்போன் டவரை கண்காணித்தனா்.
இந்நிலையில் கடத்தல் ஆசாமி மற்றோரு தனியாா் விமானத்தில் கவுகாத்தியிலிருந்து நேற்றிரவு (பிப்.5) சென்னை வந்து கொண்டிருப்பது தெரியவந்தது. சுங்கத்துறையினா் சென்னை உள்நாட்டு விமானநிலையத்தில் காத்திருந்து முகபத் கான் விமானத்தை விட்டு இறங்கி வெளியே வந்தபோது மடக்கிப்பிடித்தனா். அதோடு அவரை தனி அறைக்கு கொண்டு சென்று சோதனையிட்டனா். அவருடைய இடுப்பை சுற்றி கட்டியிருந்த துணிப்பையில் மேலும் தங்கக்கட்டிகள் இருப்பதை கண்டுப்பிடித்து பறிமுதல் செய்தனா். அவைகளின் எடை 1.12 கிலோ. இதையடுத்து அவரை கைது செய்து மேலும் விசாரித்தபோது விமானத்திற்குள் மறைத்து வைத்திருந்த 1.2 கிலோ தங்கமும் தான் கடத்தி வந்தது தான் என்பதை ஒப்புக்கொண்டாா். விசாரணையில், காஞ்சீபுரத்தைச் சோ்ந்த சா்வதேச தங்கம் கடத்தல் கும்பலை சோ்ந்த முகபத் கான் துபாயிலிருந்து ரூ.1.14 கோடி மதிப்புடைய 2.32 கிலோ தங்கத்தை கடத்தி வந்துள்ளது தெரியவந்தது.
சென்னை விமானநிலையத்தில் பலே கடத்தல் ஆசாமி கைது: 2.32 கிலோ தங்கம் பறிமுதல்! கடத்தல் தங்கத்தை விமானநிலையத்திலிருந்து வெளியே எடுத்து செல்ல வசதி இல்லாததால் விமானத்திலேயே மறைத்து வைத்துவிட்டு, வெளியே வந்திருந்தாா். அந்த விமானம் கவுகாத்தி செல்வதை அறிந்து மீண்டும் மற்றோரு விமானத்தில் கவுகாத்தி சென்றுள்ளார். ஆனால், அவரால் அங்கும் விமானத்திற்குள் மறைத்து வைத்திருந்த தங்கத்தை எடுக்க முடியவில்லை. இதனால் மீண்டும் வேறு விமானத்தில் சென்னை திரும்பியவரை சுங்கத்துறை பொறிவைத்து பிடித்து கைது செய்தனா்.
இதையும் படிங்க...சிவகாசி கல்லூரி மாணவி தற்கொலை: பொறியியல் கல்லூரி மாணவர் கைது!
