தேனீக்கள் கொட்டியதில் ஒருவர் உயிரிழப்பு, 18 பேர் கவலைக்கிடம்!

100 நாள் வேலை பணியாளர்களை தேனீக்கள் கொட்டியதில் ஒருவர் தப்பிக்க முற்படுகையில், ஊரம்பு நீர் குட்டையில் விழுந்து சம்பவ இடத்திலேயே உயிரிழந்தார். மேலும், 18 பேர் தொடர்ந்து கவலைக்கிடமான நிலையில் மருத்துவமனையில் சிகிச்சைப் பெற்றுவருகின்றனர்.

ஈரோடு: சென்னிமலை அருகே எல்லை கிராம ஊராட்சிக்குள்பட்ட குமாரபாளையம் என்ற கிராமத்தில், மகாத்மா காந்தி தேசிய ஊரக வேலைவாய்ப்பு உறுதியளிப்புத் திட்டத்தில் 100 நாள் வேலைத்திட்டத்தில் தொழிலாளர்கள் பணியாற்றிக்கொண்டிருந்தனர்.

அப்போது அவர்களை தேனீக்கள் கொட்டியதில், பழனிச்சாமி (80) என்பவர், வலி தாங்க முடியாமலும், தேனீக்களிடமிருந்து தப்பித்துக் கொள்வதற்காக அருகிலிருந்த கீழ்பவானி வாய்க்கால் உரம்பு நீர் குட்டையில் குதித்ததால், சேற்றில் சிக்கி சம்பவ இடத்திலேயே உயிரிழந்தார்.

மேலும் தேனீக்கள் கொட்டிய கூலித் தொழிலாளர்கள், சாலையில் சென்றுகொண்டிருந்த பொதுமக்கள் உள்பட 18 பேர் பெருந்துறையில் உள்ள ஈரோடு அரசு மருத்துவக்கல்லூரி மருத்துவமனையில், தீவிர சிகிச்சைப் பிரிவில் அனுமதிக்கப்பட்டுள்ளனர்.

இந்தச் சம்பவம் குறித்து சென்னிமலை காவல் துறையினர் வழக்குப்பதிவு செய்து விசாரணை மேற்கொண்டுவருகின்றனர்.

இதையும் படிங்க:தொழிலதிபர் கடத்தல் -சினிமா பாணியில் விரட்டிப் பிடித்த தலைமைக்காவலர்