சென்னை பீர்க்கன்கரணை காவல் நிலைய ரோந்து வாகன காவல் துறையினர், கடந்த சனிக்கிழமை (ஜன. 23) காலை 05.30 மணியளவில் முடிச்சூர் மெயின் ரோடு, மதனபுரம் சர்வீஸ் சாலை அருகே வாகன தணிக்கையில் ஈடுபட்டுக்கொண்டிருந்தனர்.
அப்போது, அவ்வழியாக வந்த TN05 BE4965 என்ற பதிவெண் கொண்ட டாடா ஏஸ் சரக்கு வாகனத்தில் வந்த நபர்கள், காவல் துறையினரை கண்டதும் சரக்கு வாகனத்தை சாலையோரம் நிறுத்திவிட்டு தப்பியோடினர். காவல் துறையினர் சரக்கு வாகனத்தை சோதனை செய்து பார்த்தபோது ஆயிரத்து 40 கிலோ எடை கொண்ட தமிழ்நாடு அரசால் தடை செய்யப்பட்ட குட்கா புகையிலை உள்ளிட்ட பொருட்கள் மற்றும் கடத்தலுக்கு பயன்படுத்திய சரக்கு வாகனத்தையும் பறிமுதல் செய்தனர்.