திமுக பொதுச்செயலாளரும் காட்பாடி தொகுதி சட்டமன்ற வேட்பாளருமான துரைமுருகன், இன்று தனது வேட்பு மனுவை தாக்கல் செய்தார். முன்னதாக, காட்பாடி செங்கோட்டையில் இருந்து ஊர்வலமாக சென்ற அவர், சித்தூர் பேருந்து நிலையம் அருகே உள்ள அண்ணா சிலைக்கு மாலை அணிவித்தார். பின்னர் வட்டாட்சியர் அலுவலகம் வந்த துரைமுருகன், அங்கு தேர்தல் நடத்தும் அலுவலர் புண்ணியகோட்டியிடம் வேட்பு மனு தாக்கல் செய்தார்.
அதைத்தொடர்ந்து, செய்தியாளர்களை சந்தித்த துரைமுருகன், ”காட்பாடியில் பத்தாவது முறையாக போட்டியிடுகிறேன். இத்தனை முறை என் மக்களுக்கு சேவை செய்ய வாய்ப்பு கிடைத்துள்ளது பெருமையாக இருக்கிறது. இத்தேர்தலில் திமுக வெற்றிச் சிறகடிக்கும். எங்களது தேர்தல் அறிக்கை கதாநாயகன் எனும்போது, அதிமுக தேர்தல் அறிக்கை வில்லன்.
’திமுக அறிக்கை கதாநாயகன்; அதிமுக அறிக்கை வில்லன்’