'கூட்டம் கூடுறீங்க' - கண்காணிக்க வந்தது ட்ரோன் கேமரா

திருச்சி: ஊரடங்கு உத்தரவை மீறிக் கூட்டம் கூடுவதை கண்காணிக்க காவல்துறையினர் ட்ரோன் கேமிராக்களை பயன்படுத்தி வருகின்றனர்.

கரோனா முன்னெச்சரிக்கை நடவடிக்கையாக நாடு முழுவதும் ஊரடங்கு உத்தரவு அமலில் உள்ளது. ஆனால் சிலர் அத்துமீறி கூடுவது, வாகனங்களில் வெளியே செல்வது போன்ற செயல்களில் ஈடுபட்டு வருகின்றனர். இவ்வாறு விதிமுறைகளை மீறுவோர் மீது வழக்குப்பதிவு செய்யப்பட்டு வாகனங்கள் பறிமுதல் செய்யப்பட்டு வருகின்றன.

இதைத்தொடர்ந்து திருச்சி மாவட்டம் முழுவதும் சிறிய சாலைகள், ஊரக பகுதிகளில் மக்கள் கூடுவதை தடுக்கவும், கண்காணிக்கவும் ட்ரோன் கேமராக்களை காவல்துறையினர் பயன்படுத்த தொடங்கியுள்ளனர். மாவட்டம் முழுவதும் பரவலாக ட்ரோன் கேமிராக்கள் பறக்கவிடப்பட்டு கண்காணிக்கப்பட்டு வருகிறது.

இந்த கேமரா மூலம் கிடைக்கும் காட்சிகளைக் கொண்டு சம்மந்தப்பட்ட இடத்திற்கு சென்று கூட்டத்தை கலைக்கும் பணியில் காவல்துறையினர் ஈடுபட்டு வருகின்றனர். இது தவிர ஆங்காங்கே ஒலிபெருக்கிகள் மூலம் மக்கள் வெளியே வரக்கூடாது என்று காவல்துறையினர் அறிவுறுத்தி வருகின்றனர்.

இதையும் படிங்க: ஊரடங்கில் உதவிக்கரம் நீட்டிய மனிதநேயர்