திருச்சிமாவட்ட ஆட்சியர் சு.சிவராசுவின் பெயரில், அவரது புகைப்படத்துடன் பொதுமக்களையும், அரசு அலுவலர்களையும் ஏமாற்றி பணம் பறிக்கும் நோக்குடன் 6378370419 என்ற வாட்ஸ்அப் எண் மூலம் வங்கி கணக்கிலும், அமேசான் போன்ற செயலிகளில் ஆன்லைன் வாயிலாக கிஃப்ட் கார்டு உள்ளிட்டவற்றிற்கு பணம் செலுத்துமாறு கோரி செய்திகள் பரவின.
இவ்வாறு பொதுமக்களிடமும் அரசு அலுவலர்களிடமும் இருந்து பணம் பறிக்கும் மோசடி நடவடிக்கைள் ஆட்சியரின் கவனத்திற்கு சென்றதை அடுத்து அவர், இதுபோன்ற பண மோசடிகளில் சிக்கி யாரும் ஏமாற வேண்டாம் என கேட்டுக் கொண்டார். இதற்கு தமக்கும் எந்த தொடர்பும் இல்லை என அவர் மறுப்பு தெரிவித்துள்ளார்.