ஆடு மேய்த்துக்கொண்டிருந்த முதியவர் ரயில் மோதி உயிரிழப்பு

ஆடு மேய்த்துக் கொண்டிருந்த முதியவர் ரயில் மோதி உயிரிழந்தது தொடர்பாக ரயில்வே காவல் துறையினர் விசாரணை மேற்கொண்டுவருகின்றனர்.

திருச்சி: மணப்பாறை அருகே டிசம்பர் 14ஆம் தேதி மாலை ரயிலில் அடிபட்டு முதியவர் ஒருவர் இறந்து கிடந்துள்ளார். இதையடுத்து அங்கு சென்று பார்த்த அப்பகுதி பொதுமக்கள் இறந்து கிடந்தவர் வடுகபட்டி புதூரைச் சேர்ந்த தங்கையா (80) என அடையாளம் கண்டனர்.

இதையடுத்து, ரயில்வே காவல் துறையினருக்குத் தகவல் தெரிவிக்கப்பட்டு, சம்பவ இடத்திற்கு வந்த ரயில்வே காவலர்கள் உடலை மீட்டு உடற்கூராய்வுக்காக மணப்பாறை அரசு மருத்துவமனைக்கு அனுப்பிவைத்தனர்.

இது தொடர்பாக, காவல் துறையினர் மேற்கொண்ட முதற்கட்ட விசாரணையில் அப்பகுதியில் ஆடு மேய்த்துக் கொண்டிருந்த முதியவர் ரயிலில் அடிபட்டு இறந்ததற்கான காரணம் குறித்து வழக்குப்பதிவு செய்து விசாரணை மேற்கொண்டுவருகின்றனர்.

இதையும் படிங்க: "கனிமவளத்துறையில் எந்த ஒரு குறையுமில்லை..!":இபிஎஸ்க்கு துரைமுருகன் பதிலடி