திருச்சி: மணப்பாறை பேருந்து நிலையத்திலிருந்து திருச்சி செல்லும் சாலையில் கம்பம் நோக்கி சென்ற அரசு பேருந்தும், திருச்சி நோக்கி சென்ற தனியார் பேருந்தும் வளைவு ஒன்றில் திரும்பும்போது உரசிவிடுமளவிற்கு இடைவெளி இருந்துள்ளது. இதனால் அரசு பேருந்து ஓட்டுநர் தனியார் பேருந்தை விலகிச் செல்ல அறிவுறுத்தியுள்ளார்.
பேருந்துகளை சாலையிலேயே நிறுத்தி விட்டு ஓட்டுநர்கள் வாக்குவாதம்
ஆனால் தனியார் பேருந்தை ஒதுக்கி இயக்கும் அளவிற்கு இடம் இல்லாததால் தனியார் பேருந்து ஓட்டுநர் பேருந்தை சாலையிலேயே நிறுத்தி உள்ளார். இதனால் கோபம் அடைந்த அரசு பேருந்து ஓட்டுநர் பேருந்தை விட்டு கீழே இறங்கி காவல் நிலையம் நோக்கி சென்றார். அப்போது அவ்வழியே வந்த ஆம்புலன்ஸ் ஒன்று அரசு பேருந்தின் பக்கவாட்டு பகுதியின் வழியாக மருத்துவமனைக்கு சென்றது.