திருப்பூரில் மடத்துக்குளம் வட்டம் கடத்தூர் நடுத்தெருவைச் சேர்ந்தவர் நாகராஜன். இவர், காந்திபுரம் நகர் பகுதியில் தமிழ்நாடு மின்சார வாரியத்தில் ஒப்பந்த பணியாளராக பணியாற்றி வருகிறார். இவரது மகன் கோவிந்தசாமி (30).
இவர் காந்திபுரம் பகுதியில் மின்சாரத்தை நிறுத்தி அதே பகுதியில் உள்ள உயர் அழுத்த மின் கம்பத்தின் மீது ஏறி புதிதாக அப்பகுதியில் கட்டப்பட்டு வரும் கட்டடத்திற்கு மின் இணைப்பு கொடுப்பதற்கான பணியில் ஈடுபட்டுக்கொண்டிருந்தார்.
மின்சாரம் பாய்ந்து மின்கம்பத்தில் தொங்கிய நபர்
அப்போது தானியங்கி தெரு விளக்கு பவர் சப்ளை கொடுத்தபோது காந்திபுரம் பகுதியில் கம்பத்தின் மேல் இருந்த கோவிந்தசாமி உடலில் மின்சாரம் பாய்ந்தது. இதனால் தலைகீழாக தொங்கியபடி அலறி சத்தம் போட்டார்.