சேலம் செயில் நிறுவனத்தின் சார்பில் கடுங்குளிரைத் தாங்கி நிற்கும் ஸ்டெயின்லெஸ் ஸ்டீலால் உருவாக்கப்பட்ட தகடுகளை ஏந்தி சந்திரயான்-2 விண்கலம் நிலவில் பயணிக்க இருந்தது. சேலம் செயில் நிறுவனத்தில், இஸ்ரோவிற்கு தேவையான ரஷ்ய தரமான ஐசிஎஸ்எஸ்/1218/321 வகை ஆஸ்டெனிக் நிலைப்படுத்தப்பட்ட ஸ்டெயின்லெஸ் ஸ்டீலை, கடுங்குளிர் (கிரையோஜெனிக்) ஏவுகணை எந்திரம் தயாரிப்புக்கு உபயோகப்படுத்தும் வகையில் உருவாக்கப்பட்டுள்ளது.
சந்திராயன்-2 விண்கலத்துக்கு சேலத்தில் இருந்து உதிரி பாகங்கள்..!
சேலம்: சந்திராயன்-2 விண்கலத்தின் பாகங்கள், சேலத்திலுள்ள அரசின் செயில்(SAIL) நிறுவனத்தின் தகடுகளால் உருவாக்கப்பட்டது என்ற தகவல் வெளியாகியுள்ளது.
சந்திராயன்-2 விண்கலத்துக்கு சேலத்தில் இருந்து உதிரி பாகங்கள்..!
இஸ்ரோவின் திரவ உந்துதல் அமைப்பு மையம் (எல்.பி.எஸ்.சி.) விஞ்ஞானிகள், செயிலின் சேலம் உருக்காலை குழுவினர் இணைந்து சோதனை முறையில் ஸ்டெயின்லெஸ் ஸ்டீல் சுருள்களைத் தயாரித்தனர். வெப்ப உருட்டப்பட்ட இந்த 4 மி.மி. தடிமன் சுருள், பிறகு இஸ்ரோவின் தேவைக்கேற்ப 2.3 மி.மி. தடிமனுக்குக் குளிரூட்டப்பட்டுள்ளது. சந்திரயான் தவிர மற்ற பயணங்களுக்கும் இந்த 2.3 மி.மி. தடிமன் தகடானது, கிரையோஜெனிக் எந்திரத்தின் சிஇ20-க்கும் உபயோகப்படுத்தப்பட்டது.
இதுதவிர மேலும் ஐந்து எஞ்சின்களை சேலம் உருக்காலை தயாரித்த 321 தரத்து ஸ்டெயின்லெஸ் ஸ்டீல் தகடுகளால் உருவாக்கப்பட்டன என, சேலம் உருக்காலை நிர்வாகம் வெளியிட்ட செய்திக்குறிப்பில் தெரிவித்துள்ளது.