விடியலை நோக்கி ஸ்டாலின் குரல் என்ற தலைப்பிலான திமுகவின் பரப்புரை கூட்டம் இரண்டாவது நாளாக இன்றும் மதுரையில் நடைபெற்றது. மாநகரின் பல்வேறு பகுதிகளிலும் பொதுமக்களை சந்தித்து, அவர்களது குறைகளை அக்கட்சியின் மகளிரணிச் செயலாளர் கனிமொழி கேட்டறிந்தார். அதன்படி, செல்லூர் பகுதியில் உள்ள நெசவு தொழிலாளர்களையும், சுய உதவிக்குழு பெண்களையும் சந்தித்து கனிமொழி உரையாடினார்.
பின்னர் செய்தியாளர்களை சந்தித்த அவர், “திமுக ஆட்சியில் கொண்டு வந்த பாலங்கள் தவிர, இங்கு வேறு எந்த பாலங்களையும் அதிமுக அரசு கட்டவில்லை. 110 விதியின் கீழ் அறிவிக்கப்பட்ட அறிவிப்புகள் என்ன ஆனது என்றே தெரியவில்லை. பல்வேறு இடங்களில் எய்ம்ஸ் மருத்துவமனை கட்டி முடிக்கப்பட்டு பயன்பாட்டில் உள்ளது. ஆனால் இங்கே அடிக்கல் மட்டுமே நாட்டப்பட்டுள்ளது.
ஆட்சி மாற்றம் வேண்டுமென தமிழக மக்கள் நினைக்கின்றனர்! - கனிமொழி