மதுரை மாவட்டம் துவரிமான் கிராமத்தில் அம்மா மினி கிளினிக் சேவையை கூட்டுறவுத்துறை அமைச்சர் செல்லூர் ராஜூ திறந்து வைத்தார். அப்போது அவர் பேசியதாவது, "நல்லவர்கள் ஆட்சி செய்தால் மழை மும்மாரி பெய்யும் என கூறுவார்கள், அதற்கு சான்றாக தற்போது மழை பெய்து வருகிறது. அதிமுக ஆட்சியில் பெண்களின் உரிமை பாதுகாக்கப்பட்டுள்ளன. பெண்கள் உயர வேண்டும் என நினைத்தவர் மறைந்த முதலமைச்சர் ஜெயலலிதா.
20 ஆண்டுகள் திமுக ஆட்சியில் பெண்களுக்கு எந்த திட்டங்களும் செயல்படுத்தப்படவில்லை. திமுக வேசம் போடும் கட்சி. மு.க. ஸ்டாலினுக்கு முடியை மட்டும் தான் நட தெரியும். வயலில் பயிரை நட தெரியாது. ஏசி அறையில் இருந்து கொண்டே எல்லோரும் முதலமைச்சராக வேண்டும் எனக் கூறி வருகிறார்கள். நடிகர்கள் புற்றீசல் போல் வந்துள்ளனர். சினிமாவில் மட்டும் தான் உடனடியாக முதலமைச்சராக முடியும்" என்றார்.
அம்மா மினி கிளினிக் சேவை தொடக்கம்