பயணிகளின் போதிய ஆதரவு இல்லாத காரணத்தால் சென்னை-மதுரை-சென்னை தேஜஸ் சிறப்பு ரயில் ஜனவரி 4ஆம் தேதி முதல் ரத்து செய்யப்படுவதாக தென்னக ரயில்வே அறிவித்திருந்தது. தென்னக ரயில்வேயின் இந்த முடிவுக்கு பல்வேறு தரப்பிலிருந்து கண்டனங்கள் குவிந்தன. மதுரை மக்களவை உறுப்பினர் சு. வெங்கடேசனும், மத்திய ரயில்வே துறை இந்த முடிவை கைவிட வேண்டும் என ரயில்வே துறைக்கு கடிதம் எழுதினார்.
இந்நிலையில் வருகின்ற ஜனவரி 10ஆம் தேதி முதல் சென்னை-மதுரை-சென்னை தேஜஸ் ரயில் மீண்டும் இயக்கப்படும் என மத்திய ரயில்வே அமைச்சகம் அறிவிப்பு வெளியிட்டுள்ளது.