கரோனா தடுப்பு பணிகளில் எதிர்க்கட்சியினர் அரசியல் செய்யாமல் ஆலோசனை வழங்க வேண்டும் - அமைச்சர் மூர்த்தி
கரோனா தடுப்பு பணிகளில் எதிர்க்கட்சியினர் அரசியல் செய்யாமல் ஆலோசனை வழங்க வேண்டும் என அமைச்சர் மூர்த்தி தெரிவித்துள்ளார்.
அமைச்சர் மூர்த்தி ஆய்வு
பொதுமுடக்கம் காரணமாக மதுரை மாட்டுத்தாவனி மலர் சந்தை செயல்படாமல் உள்ளது. பூ சாகுபடி செய்யும் விவசாயிகளின் கோரிக்கையைத் தொடர்ந்து பல்வேறு கரோனா பாதுகாப்பு வழிமுறைகளை பின்பற்றி மதுரை மாட்டுத்தாவணி மலர் சந்தையை செயல்படுத்துவதற்காக இடம் தேர்வு செய்வது குறித்து ஆய்வு நடத்தப்பட்டது. வணிகவரித்துறை அமைச்சர் மூர்த்தி, ஆட்சியர் அனிஷ் சேகர் உள்ளிட்டோர் ஆய்வு மேற்கொண்டனர்.
பின்னர் செய்தியாளர்களை சந்தித்த அமைச்சர் மூர்த்தி, "மாட்டுத்தாவணி மலர் சந்தை ஆம்னி பேருந்து நிலையத்தில் இடம் மாற்றம் செய்து செயல்பட உள்ளதாகவும், கரோனா பரவலைக் கட்டுப்படுத்தும் விதமாக பல்வேறு கட்டுப்பாடுகளுடன் மலர் சந்தை செயல்படுத்தத் திட்டம் உள்ளதாக தெரிவித்தார்.