Madurai Chithirai Thiruvizha-வில் சக்கைபோடு போட்ட ஜவ்வு மிட்டாய் விற்பனை: 90’ஸ் கிட்ஸ்களுக்குத்தான் தெரியும் அது வேற லெவல்னு..!

மதுரை சித்திரைத் திருவிழாவில் சக்கைப்போடு போட்ட ஜவ்வு மிட்டாய். கையில் 'வாட்ச்' போன்று கட்டிவிட்ட அனுபவங்கள் எல்லாம் மதுரைக்கு வந்தால் மட்டுமே கிடைக்கும். அதை விளக்குகிறது, இந்த கட்டுரை...

மதுரை: சித்திரைத் திருவிழாவை முன்னிட்டு பாரம்பரியம் சார்ந்த விஷயங்களும் ஆங்காங்கே தென்பட்டது, 80-90-களில் பிறந்த நபர்களுக்கு உற்சாகமாக இருந்திருக்கும். அந்த வகையில் சித்திரைத் திருவிழாவின் 11ஆம் நாளான இன்று (ஏப். 15) நடைபெற்ற தேரோட்ட நிகழ்வில் மாசி வீதிகளை சுற்றி சீனி மிட்டாய், ஜவ்வு மிட்டாய் போன்ற பாரம்பரிய விஷயங்களெல்லாம் பொதுமக்களால் வியந்து கவனிக்கப்பட்டன.

நீண்ட பெரிய மூங்கில் கம்பில் நுனியில் கை ஆட்டும் பொம்மைக்குக்கீழே ஜவ்வு மிட்டாயை பண்டலாகச்சுற்றி வைத்து கேட்கும் நபர்களுக்கு, விமானம், வாத்து, மயில் உள்ளிட்ட வடிவங்களில் கையில் வியாபாரி ஜவ்வு மிட்டாயை கட்டிவிடுவார்.

சிறு துண்டு மிட்டாயை கன்னத்தில் ஒட்டிவிடுவது, ஜவ்வு மிட்டாய் வியாபாரிகளின் வழக்கம். தற்போதுள்ள தலைமுறைகளுக்கு இதுபோன்ற ஜவ்வு மிட்டாய் விஷயங்கள் மிக வியப்பாக இருக்கிறது. இன்றைய பொழுதில், ஆர்வத்தோடு இளைஞர்களும் குழந்தைகளும் இந்த மிட்டாயை கைகளில் கட்டிக்கொண்டு சென்றது வித்தியாசமான அனுபவம்.

மதுரை தத்தனேரியைச்சேர்ந்த மிட்டாய் வியாபாரி மாயாண்டி கூறுகையில், "கடந்த 50 ஆண்டுகளுக்கும் மேலாக இந்த தொழிலை செய்து வருகிறேன்.

இந்தத்தொடரில் கிடைத்த வருமானத்தைக் கொண்டுதான் என் குழந்தைகளை திருமணம் செய்து கொடுத்து வைத்தேன். தற்போது பேரன் பேத்தி கூட எடுத்துள்ளேன். நான் சாகும் காலம் வரை இதைத் தான் செய்வேன். இந்த ஜவ்வு மிட்டாயை தற்போதுள்ள தலைமுறையினர் மிகவும் விரும்பி வாங்கி செல்வது மகிழ்ச்சியாக உள்ளது" என்றார்.

இதையும் படிங்க:வைகையில் இறங்கும் கள்ளழகருக்கு ஆண்டாள் சூடிய மாலை அனுப்பி வைப்பு