வழக்கறிஞர்கள் நீலமேகம், முகமது ரஃஸ்வி ஆகியோர் உயர்நீதிமன்ற மதுரைக்கிளையில் மனு ஒன்றைத் தாக்கல் செய்தனர்.
அதில், குரூப் 4 தேர்வில் முறைகேடு நடைபெற்று உள்ளதாக தகவல்கள் வெளியாகியுள்ளது. இதை தமிழக காவல்துறையின் கீழ் இயங்கும் சிபிசிஐடி விசாரித்தால், வழக்கின் உண்மை நிலை தெரியவராது.
மாநிலம் முழுவதும் பல்வேறு மாவட்டங்களிலும் இந்த முறைகேடு நடந்துள்ளது. தொழில்நுட்ப ரீதியாகவும் இந்த முறைகேடு நடந்துள்ளதாக குறிப்பிடப்பட்டுள்ளது. எனவே இந்த வழக்கை சிபிஐ விசாரிக்கவும், அதனை உயர்நீதிமன்ற நீதிபதி கண்காணிக்கவும் உத்தரவிட வேண்டும் என்று கூறியிருந்தார்.
இந்த மனு நீதிபதிகள் துரைசாமி,ரவீந்திரன் அமர்வு விசாரணைக்கு வந்தபோது, சிபிஐ-க்கு நோட்டீஸ் வழங்குமாறு உத்தரவிட்டனர்.
