திண்டுக்கல் மாவட்டத்தைச் சேர்ந்த ஜோசப் கிரில் என்பவர் உயர் நீதிமன்ற மதுரைக்கிளையில் பொதுநல மனுவினைத் தாக்கல் செய்தார்.
அதில், 'கொடைக்கானல் மலைப்பகுதிகளில் இருந்து வரும் தண்ணீர் கோடகனர் அருகே அமராவதி ஆற்றில் கலக்கிறது. மேலும் காமராஜர்சாகர் அணையில் தண்ணீர் தேக்கி வைக்கப்படுகிறது. சுமார் 4500 மில்லியன் லிட்டர் தண்ணீரை தேக்கி வைத்து, சுமார் 30க்கும் மேற்பட்ட கிராமங்களில் விவசாயம் மற்றும் குடிநீருக்குப் பயன்படுத்தப்படுகிறது.
அணையைச் சுற்றியுள்ள கிராமங்களுக்குத் தண்ணீர் செல்லும் வழியில் ராஜவாய்க்கால் ஏற்படுத்தப்பட்டு, சுமார் 150 அடி நீளத்தில் 20 அடி அகலத்தில் 10 அடி உயரத்தில் தடுப்பணை கட்டப்பட்டுள்ளது. இதனால் காமராஜர்சாகர் அணை சுற்றுவட்டாரங்களில் உள்ள கிராமங்களில் விவசாயம் பாதித்து, குடிநீர் தட்டுப்பாடு ஏற்படும் அபாயம் உள்ளது. இதையடுத்து 15 நாள்கள் காமராஜர்சாகர் அணைக்குத் தண்ணீர் செல்லவும்; 15 நாட்கள் நரசிங்கபுரம் ராஜவாய்க்கால் வழியாக தண்ணீர் செல்லவும் அதிகாரிகள் உத்தரவிட்டனர்.