தாயையும், மகளையும் திட்டியதால் தம்பியை கொன்ற அண்ணன்!

மதுரை: தாயையும், மகளையும் திட்டியதால் சொந்த அண்ணனே, தம்பியை கழுத்தை அறுத்து கொலை செய்த சம்பவம் பரபரப்பை ஏற்படுத்தியுள்ளது.

மதுரை மாவட்டம், திருப்பரங்குன்றம் அருகில் உள்ள விளாச்சேரி வேளாளர் தெருவைச் சேர்ந்த தேவராஜ். இவருடைய இளைய மகன் சம்பத்(33). வாடகை ஓட்டுநராகப் பணிபுரிந்து வருகிறார். இவருடைய அண்ணன் பாண்டி (36) இவருக்குத் திருமணமாகி நந்தினிஸ்ரி(8) என்ற குழந்தை உள்ளது. இவர் மனைவியைப் பிரிந்து குழந்தையுடன் தனது வீட்டில் அம்மா, தம்பி சம்பத் ஆகியோருடன் வசித்து வருகிறார்.

இந்த நிலையில் நேற்று சிறுமி நந்தினிஸ்ரி வீட்டினுள் சிறுநீர் கழித்தை பார்த்த தம்பி சம்பத், அசிங்கமாக அண்ணன் பாண்டி, தாயாரைத் திட்டியுள்ளார். இதனைத் தொடர்ந்து மனமுடைந்த ஆத்திரத்திலிருந்த பாண்டி, இரவு முழுவதும் மது அருந்தி விட்டு அதிகாலை தம்பி சம்பத்தைக் அரிவாளால் வெட்டி கொலைச் செய்தார்.

பின்னர் பாண்டி திருநகர் காவல் நிலையத்தில் சரணடைந்தார். திருநகர் காவல் துறையினர் கொலை சம்பவம் குறித்து வழக்குப் பதிந்து பாண்டியைக் கைது செய்து விசாரணை மேற்கொண்டு வருகின்றனர்.