கழுத்தில் தாலியோடு பள்ளிக்கு வந்த மாணவி - சமூகநலத் துறை விசாரணை

மதுரையில் கழுத்தில் தாலியுடன் பள்ளிக்கு வருகைதந்த மாணவியால் பரபரப்பு ஏற்பட்டது. இது குறித்து சமூகநலத் துறை அலுவலர்கள் விசாரணை மேற்கொண்டுவருகின்றனர்.

மதுரை:நத்தம் சாலையில் அமைந்துள்ள தனியார் பள்ளி ஒன்றில், ஒன்பதாம் வகுப்பு படிக்கும் மாணவி கழுத்தில் தாலியோடு பள்ளிக்கு வருகைதந்துள்ளார். இதனையடுத்து பள்ளிக்குச் சென்று விசாரணை நடத்திய சமூகநலத் துறை அலுவலர்கள் பள்ளி மாணவியை மீட்டு காப்பகத்தில் சேர்த்தனர்.

இதனையடுத்து சமூகநலத் துறை அலுவலர்களின் புகாரின் அடிப்படையில் மாணவியின் பெற்றோர், தாலி கட்டிய இளைஞர், அவரது பெற்றோர் மீதும் திருப்பாலை காவல் துறையினர், குழந்தை திருமண தடுப்பு, போக்சோ சட்டத்தின்கீழ் வழக்குப்பதிவு செய்தனர்.

மேலும் 9ஆம் வகுப்பு மாணவி தாலியுடன் பள்ளிக்கு வந்த சம்பவம் மதுரையில் பரபரப்பை ஏற்படுத்தியுள்ளது. இது குறித்து தொடர்ந்து சமூகநலத் துறையினர் விசாரணை நடத்திவருகின்றனர்.

இதையும் படிங்க:பிபின் ராவத் மறைவு நாடாளுமன்றத்தில் இரங்கல்