கோபிசெட்டிபாளையம் நஞ்சை புளியம்பட்டியை சேர்ந்தவர் சரவணன். இந்நிலையில் நேற்று முன் தினம்(ஜன.29) வழக்கம் போல் தனது ஆடு மற்றும் சேவலை வீட்டின் முன் கட்டி வைத்து விட்டு சரவணன் உறங்க சென்றுள்ளார்.
நேற்று காலை(ஜன.30) ஆடுகளை மேய்ச்சலுக்காக கொண்டு செல்ல சென்று பார்த்த போது, 4 ஆடுகள் மற்றும் ஒரு சேவலை சிறுத்தை கடித்து கொன்று இருப்பது தெரிய வந்தது.
அதைத்தொடர்ந்து டி.என்.பாளையம் வனத்துறை மற்றும் பங்களாபுதூர் காவல்துறையினருக்கு கிராம மக்கள் தகவல் தெரிவித்தனர்.