கைத்தறி மீதான ஜிஎஸ்டி வரியை ரத்துசெய்யக் கோரி நெசவாளர்கள் ஆர்ப்பாட்டம்

ஈரோடு மாவட்டம் வீரப்பன் சத்திரம் பேருந்து நிலையம் அருகே கைத்தறி நெசவாளர்கள் 12 விழுக்காடு ஜிஎஸ்டி வரியை ரத்துசெய்திட வலியுறுத்தி இன்று (டிசம்பர் 20) ஆர்ப்பாட்டத்தில் ஈடுபட்டனர்.

ஈரோடு:மத்திய அரசு வரும் ஜனவரி மாதம் ஒன்றாம் தேதிமுதல் கைத்தறி, நெசவு மூலம் உற்பத்தி செய்யப்படும். போர்வை, பட்டு உற்பத்திகளுக்கு ஐந்து, 12 விழுக்காடு ஜிஎஸ்டி வரியை உயர்த்தி உள்ளது.

இதை முழுவதும் ரத்துசெய்திட வலியுறுத்தி கைத்தறி நெசவாளர்கள் சங்கத்தினர் இன்று வீரப்பன் சத்திரத்தில் ஆர்ப்பாட்டத்தில் ஈடுபட்டனர். மேலும் வரியை ரத்து செய்யாவிடில், ஏற்கனவே நுகர்வோர்கள் கைத்தறி நெசவின் மூலம் உற்பத்தி செய்யப்படும், துணிகள் அதிக விலை கொடுத்து வாங்கும் நிலை உள்ளது.

இந்த நிலையில் ஜிஎஸ்டி வரியை அரசு உயர்த்தும்போது கைத்தறி துணிகளுக்கான மவுசு பெருமளவில் குறையும் எனவும் உற்பத்தியாளர்கள் வாழ்வாதாரம் பெருமளவில் பாதிக்கப்படும் எனவும் கைத்தறி உற்பத்தியாளர்கள் வேதனை தெரிவித்துள்ளனர்.

இதையும் படிங்க:சக்திவாய்ந்த முதலமைச்சராகத் திகழும் ஸ்டாலின் - ஆளுநர் ரவி