ஈரோடு: கரோனா தடுப்பு நடவடிக்கைகளை வர்த்தகர்கள் சரியாகப் பின்பற்றுகிறார்களா என மாவட்ட ஆட்சியர் சி. கதிரவன் திடீர் ஆய்வு மேற்கொண்டார்.
வ.உ.சி. பூங்கா மைதானத்தில் உள்ள காய்கறி சந்தை, தனியார் உணவு விடுதிகளில் மேற்கொண்ட ஆய்வில், முறையாக அரசின் கரோனா தடுப்பு நெறிமுறைகளைப் பின்பற்றாத ஐந்து கடைகளுக்குச் சீல் வைக்க உத்தரவிட்டார். தொடர்ந்து சீல் வைக்கப்பட்ட கடை உரிமையாளர்களுக்கு தலா 5000 ரூபாயும் அபராதமாக விதித்தார்.
தொடர்ந்து மேற்கொண்ட ஆய்வில், முகக்கவசம் அணியாமல் வந்த தனிநபர்களுக்கு ரூ.200 அபராதம் விதிக்கப்பட்டது. வணிகர்களிடம் பேசிய மாவட்ட ஆட்சியர், “கரோனா தடுப்பு நடவடிக்கைகளைக் கண்டிப்பாகப் பின்பற்ற வேண்டும்” எனத் தெரிவித்தார்.
மேலும், “நோய்த் தடுப்பு நடவடிக்கைகள் அனைத்தையும் தொய்வில்லாமல் மேற்கொள்ள வேண்டும்” எனத் ஆணையிட்டார். இந்த ஆய்வுகளின்போது, மாவட்ட காவல் கண்காணிப்பாளர் பி. தங்கதுரை, உள்பட துறை சார்ந்த அலுவலர்கள் உடனிருந்தனர்.