ஈரோடு: அந்தியூர் தவிட்டு பாளையத்தைச் சேர்ந்த 58 வயது முதியவர் மீது அதே பகுதியைச் சேர்ந்த ஐந்து வயது குழந்தையின் தாயார் ஒருவர், தனது குழந்தைக்கு பாலியல் தொல்லை கொடுத்ததாக புகாரளித்தார்.
இந்தப் புகாரை அடிப்படையாகக் கொண்டு பவானி மகளிர் காவல் துறையினர் வழக்குப் பதிவு செய்தனர். பவானி அனைத்து மகளிர் காவல் ஆய்வாளர் பொன்னம்மாள் தலைமையில் காவல் துறையினர் விசாரணை நடத்தி சம்பந்தப்பட்ட நபரை கைது செய்தனர். இந்த வழக்கு விசாரணை ஈரோடு மகிளா விரைவு நீதிமன்றத்தில் நடந்தது.