மருத்துவத் துறையில் பணியாற்றிட இலவச பயிற்சி வகுப்பிற்கு விண்ணப்பிக்கலாம்!

மருத்துவத் துறையில் பணியாற்றிட இலவச பயிற்சி வகுப்பிற்கு விண்ணப்பிக்கலாம் என மாவட்ட ஆட்சியர் தெரிவித்துள்ளார்.

கோவை: அரசு மற்றும் தனியார் மருத்துவமனைகளில் மருத்துவத் துறையில் பணியாற்றிட தமிழ்நாடு திறன் மேம்பாட்டு கழகத்தின் குறுகிய கால இலவச பயிற்சி வகுப்பில் சேர விரும்புபவர்கள் விண்ணப்பிக்கலாம் என்று கோவை மாவட்ட ஆட்சியர் தெரிவித்துள்ளார்.
இது குறித்து கோவை மாவட்ட ஆட்சியர் விடுத்துள்ள செய்திக்குறிப்பில், “கரோனா வைரஸ் தொற்று பேரிடர் காலத்தில் அரசு மற்றும் தனியார் மருத்துவமனைகளில் பணியாற்றிட குறுகிய கால இலவச பயிற்சி தமிழ்நாடு திறன் மேம்பாட்டு கழகத்தின் மூலம் பாரத பிரதமரின் திறன் மேம்பாட்டு திட்டம் 3.0 (PMKVY 3.0) care sector skill council கீழ் சுகாதாரத் துறையில் கரோனா தொடர்பாக வேலைவாய்ப்புடன் இலவச திறன் மேம்பாட்டு பயிற்சி வழங்கப்படுகிறது.

இது, கல்வீரம்பாளையம் பகுதியில் அமைந்துள்ள ஆறுதல் பவுண்டேஷன் வளாகத்தில் வழங்கப்படுகிறது. இந்த வகுப்பானது 21 நாள்கள் வகுப்பறையிலும் நடைபெறும். அதனைத் தொடர்ந்து மூன்று மாதங்கள் அரசு ஆரம்ப சுகாதார நிலையங்கள், அரசு மற்றும் தனியார் மருத்துவமனைகளில் பயிற்சி வழங்கப்படும்.

பயிற்சி பெறும் நபர்களுக்கு இலவச பயண அட்டை, கரோனா தொற்று பாதுகாப்பு உபகரணங்கள், தடுப்பூசிகள் போன்ற வசதிகள் செய்து தரப்படும். இந்தப் பணிகளுக்கு ஆர்வமுள்ளவர்கள் எட்டாம் வகுப்பு தேர்ச்சி அல்லது அதற்குமேல் கல்வித் தகுதியுடன் 18 வயது பூர்த்தி அடைந்து உள்ள ஆண், பெண் இருபாலரும் அவர்களது கல்வித்தகுதி தொடர்பான அசல் ஆவணங்கள், ஆதார் விவரங்களுடன் ஆறுதல் பவுண்டேஷன் திறன் பயிற்சி வழங்கும் மையத்தை அணுகலாம்.

அதற்குமுன் இந்தப் பயிற்சி மையத்தில் சேர விரும்புபவர்கள் 8870770882, 9080348505 என்ற எண்ணை தொடர்புகொண்டு தகவல் தெரிவிப்பதுடன் dad.tncbe@gmail.com என்ற மின்னஞ்சலுக்கு தங்களின் சுயவிவரத்தை அனுப்ப வேண்டும்” எனத் தெரிவிக்கப்பட்டுள்ளது.