உலகநலன் வேண்டி பிரியங்கரா தேவிக்கு நிகும்பலா யாகம்

கோவை: வால்பாறையிலுள்ள ஸ்ரீ துர்கா தேவி கோயிலில் ஆடிப்பூர திருவிழாவில் ஏராளமான பக்தர்கள் பங்கேற்றனர்.

கோவை மாவட்டம் வால்பாறையிலுள்ள ஸ்ரீ துர்கா தேவி கோயிலில் ஆடிப்பூரத்தை முன்னிட்டு, மனித குலத்தின் துயர் நீக்கவும், உலக நலன் வேண்டியும் பிரியங்கரா தேவிக்கு நிகும்பலா யாகம் நடைபெற்றது. இதற்கு முன்னதாக காலையில் கணபதி ஹோம பூஜையும், கோமாதா பூஜையும் நடைபெற்றது.

யாகத்தில் பழங்கள் மூலிகைகள் நறுமணப் பொடிகள் நெய் ஆகியவற்றை இட்டு பூஜை நடைபெற்றது. இதனைத்தொடர்ந்து துர்கா தேவிக்கு மலர்களால் அலங்கரிக்கப்பட்டு அபிஷேகமும் தீபாராதணையும் நடைபெற்றது. இந்த விழாவில் 1000க்கும் மேற்பட்ட பக்தர்கள் கலந்து கொண்டனர்.