கோயம்புத்தூர் மாநகராட்சி வளாகத்தில் மேயர் கல்பனா ஆன்ந்த்குமார் தலைமையில் மாமன்ற கூட்டம் நடைபெற்று வருகிறது. இதனிடையே வெள்ளலூரில் கட்டப்பட்டு வரும் புதிய பேருந்து நிலையப் பணிகளை நிறுத்திவிட்டு வேறு இடத்திற்கு மாற்றம் செய்ய திட்டமிட்டதாக தகவல்கள் வெளியாகின. இந்த விவகாரம் திமுக - அதிமுக இடையே விவாதப் பொருளாகியுள்ளது. வெள்ளலூர் பேருந்து நிலைய பணிகள் முந்தைய அதிமுக ஆட்சிக் காலத்தில் தொடங்கியதால் திமுக முடக்கப் பார்க்கிறது என்று கூறப்படுகிறது.
இந்த நிலையில் அப்பேருந்து நிலையத்தை இடமாற்றம் செய்ய கூடாது எனவும், அப்பணிகளை கைவிட கூடாது எனவும் வலியுறுத்தி அதிமுக கவுன்சிலர்கள் பிரபாகரன் மற்றும் ரமேஷ் ஆகியோர் கண்டன பதாகைகளை ஏந்தி விக்டோரியா ஹால் முன்பு கண்டன முழக்கங்களை எழுப்பி ஆர்ப்பாட்டத்தில் ஈடுப்பட்டனர்.