காதலர் தின அட்டைகளை கிழித்து ஆர்.எஸ்.எஸ் போராட்டம்!

கோவை: காதலர் தின வாழ்த்து அட்டைகளை ஆர்.எஸ்.எஸ். அமைப்பினர் கிழித்து எதிர்ப்பை தெரிவித்து போராட்ம் நடத்தினர்.

கோவை மாவட்ட ஆட்சி தலைவர் அலுவலகத்திற்கு இன்று வந்த ஐந்துக்கும் மேற்பட்ட ஆர்.எஸ்.எஸ் அமைப்பை சேர்ந்தவர்கள், ஆட்சியர் அலுவலகம் முன்பு காதலர் தின வாழ்த்து அட்டைகளை கிழித்து வீசினர். இதில் பங்தேற்ற அனைவரும் காவி நிற துண்டுகளை அணிந்திருந்தனர். அதைத்தொடர்ந்து தேசபற்றை வெளிப்படுத்தும் 'பாரத் மாதா ஹீ ஜே' என்ற கோஷத்தையும் எழுப்பினர்.

வரும் வெள்ளிக்கிழமை(பிப்ரவரி 14) காதலர் தினம் கொண்டாடப்பட உள்ளநிலையில் ஆர்.எஸ்.எஸ் அமைப்பினரின் இந்த போராட்டம் கோவையில் சற்று சலசலப்பை ஏற்படுத்தியுள்ளது. சாதி மறுப்பு திருமணங்களும், மதம் மாறி திருமணம் செய்துகொள்வதும் அதிகம் நடக்கும் இச்சூழலில், ஆர்.எஸ்.எஸ். அமைப்பினரின் இதுபோன்ற செயல்பாடுகள் சாதி, மத இருப்பின் வெளிப்பாடே என்று வேதனை தெரிவிக்கின்றனர் சமூக ஆர்வலர்கள்.

மேலும், இவர்களின் இந்தச் செயலால் காதலர் தினத்தன்று ஏதேனும் அசம்பாவிதங்கள் நடக்க நேரிடும் என்ற அச்சமும் பொதுமக்களிடையே எழுந்துள்ளது.

இதையும் படிங்க: குடும்ப பிரச்னையால் வீட்டைவிட்டு வெளியேறிய தந்தை, மகன் சடலமாக மீட்பு