கோவை: சவரங்காடு தேயிலைத் தோட்டத்தில் இன்று (31) காலை 2 புலிகள் சென்றதை, அப்பகுதி பொதுமக்கள் எடுத்த வீடியோ தற்போது சமூக வலைதளங்களில் பரவி வருகிறது. இதைப்போல, வால்பாறை அருகே வெள்ளமலையில் உள்ள தனியார் தோட்டத்திலுள்ள சோலைப்பாடி என்ற இடத்தில் கரடி நடமாட்டத்தையும் அப்பகுதியினர் கண்டு வீடியோ எடுத்துள்ளனர்.
இதனால், அப்பகுதி தொழிலாளர்கள் தங்களின் அன்றாடப்பணியான தேயிலைத் தோட்டப்பணிகளுக்குச் செல்ல முடியாமல் அச்சத்தில் உள்ளனர். எனவே, வனத்துறையினர் அப்பகுதியில் உலாவரும் வன விலங்குகளை வனப்பகுதிக்குள் விரட்ட வேண்டும் எனக்கோரிக்கை வைத்துள்ளனர்.
பட்டப்பகலில் தேயிலைத்தோட்டங்களில் உலாவரும் புலிகள், கரடிகள்.. பீதியில் பொதுமக்கள்