தமிழ்நாடு

tamil nadu

ETV Bharat / city

நகை வாங்குவது போல திருட்டு: கேரள இளைஞர் கைது - நகை திருட்டில் ஈடுபட்டவர் சிறையில் அடைப்பு

பொள்ளாச்சியில் நகை கடையில் நகை வாங்குவது போல சென்று நகை திருட்டில் ஈடுபட்டவரை போலீசார் கைது செய்தனர்.

ajay
ajay

By

Published : Jul 6, 2022, 4:43 PM IST

கோவை:பொள்ளாச்சி கடைவீதியில் 500-க்கும் மேற்பட்ட நகை கடைகள், நகை பட்டறைகள் உள்ளன. கடைவீதியில் உள்ள சுப்ப அண்ணன் ஜீவல்லரிக்கு நேற்று முன்தினம் (ஜூலை 4) வந்த அடையாளம் தெரியாத நபர் தனக்கு ஆரம் வேண்டும் என உரிமையாளர் உதயகுமாரிடம் தெரிவித்துள்ளார். இதையடுத்து ஒவ்வொரு நகையாக டிசைன்களை காண்பித்தபோது அந்த வாடிக்கையாளர் திடீரென அங்கிருந்த 6 பவுன் நகையை தூக்கி கொண்டு ஓட்டம் பிடித்தார்.

தொடர்ந்து கடையின் உரிமையாளரும் அவரை துரத்தி பிடித்தார். இதனிடையே நகையை திருடி சென்றவருக்கும் கடையின் உரிமையாளருக்கும் நடுவே ஏற்பட்ட கைகலப்பில் நகை கடையின் உரிமையாளருக்கு காயம் ஏற்பட்டது. இதனால், அவரை அப்பகுதியினர் மீட்டு பொள்ளாச்சி அரசு தலைமை மருத்துவமனையில் கொண்டு சேர்ந்தனர்.

நகை திருட்டில் ஈடுபட்ட சிசிடிவி காட்சிகள்

இதையடுத்து உதயகுமார் இது குறித்து கிழக்கு காவல்நிலையத்தில் புகார் அளித்ததின்பேரில், பொள்ளாச்சி துணை கண்காணிப்பாளர் தமிழ்மணி உத்தரவில் கிழக்கு காவல் நிலைய ஆய்வாளர் ராமதாஸ், நகை திருடி சென்ற நபரிடம் நடத்திய விசாரணையில் கேரள மாநிலத்தை சேர்ந்த அஜய் என்பது தெரிவந்தது.

அஜயிடம் 6 பவுன் நகையை போலீசார் பறிமுதல் செய்தனர். பின், அவரை நீதிமன்றத்தில் ஆஜர்படுத்தி கோவை மத்திய சிறையில் அடைத்தனர். இவ்வாறு பட்டப்பகலில் நகை கடைவீதியில் நகை திருடி சென்றது பரபரப்பை ஏற்படுத்தியது.

இதையும் படிங்க: கடத்தப்பட்ட குழந்தை; 24 மணிநேரத்தில் மீட்கப்பட்டு பெற்றோரிடம் ஒப்படைப்பு - போலீசாருக்கு குவியும் பாராட்டு!

ABOUT THE AUTHOR

...view details