கோயம்புத்தூர்: கோவை மாவட்டத்தைச் சேர்ந்த மூதாட்டி ஒருவர் தனது மகளைப் பார்க்க பொள்ளாச்சிக்குச் சென்றுள்ளார். அப்போது அவர், பேருந்தை விட்டு இறங்கி அங்குள்ள திரையரங்கு அருகே நடந்து சென்றுகொண்டிருந்தார்.
அப்போது சாலையின் ஓரத்தில் துப்பாக்கி ஒன்றும் இரு கை உறைகளும் கிடந்துள்ளன. இதனைக் கண்ட மூதாட்டி அதனை எடுத்து மகாலிங்கபுரம் காவல் நிலையத்தில் ஒப்படைத்தார்.
அந்தக் கைத்துப்பாக்கி உள்ளூரில் தயாரிக்கப்பட்ட ரகமாகும். அதில் தோட்டாக்கள் எதுவும் இல்லை எனத் தெரிகிறது. இது தொடர்பாக காவல் துணைக் கண்காணிப்பாளர் தமிழ்மணி தலைமையில் தனிப்படை காவல் துறையினர் தீவிர விசாரணை நடத்திவருகின்றனர்.