Exclusive: ஐஏஎஸ் தேர்வில் மாநில அளவில் 2ஆம் இடம் பிடித்த ரம்யா பிரத்யேகப்பேட்டி!

யுபிஎஸ்சி தேர்வில் அகில இந்திய அளவில் 46ஆவது இடத்தையும் தமிழ்நாடு அளவில் 2ஆவது இடத்தையும் பிடித்து சாதனை படைத்த கோவை காட்டூரைச் சேர்ந்த ரம்யா, ஈடிவி பாரத் தமிழ்நாடு ஊடகத்திற்கு பிரத்யேகப் பேட்டியளித்துள்ளார்.

கோவை:மத்திய அரசுப் பணியாளர்கள் தேர்வாணையம் (Union Public Service Commission - UPSC) நடத்திய 2021ஆம் ஆண்டுக்கான சிவில் சர்வீசஸ் தேர்வில்(Civil Services Examinations) அகில இந்திய அளவில் 46ஆவது இடத்தையும் தமிழ்நாடு அளவில் 2ஆவது இடத்தையும் பெற்று சாதனைப் படைத்த கோவை காட்டூரைச் சேர்ந்த ரம்யா, இன்று (மே 30) நமது ஈடிவி பாரத் தமிழ்நாடு ஊடகத்திற்கு பிரத்யேகப் பேட்டியளித்துள்ளார்.

யுபிஎஸ்சி தேர்வில் தேர்ச்சி பெற்ற ரம்யா(30) நடுத்தர குடும்பத்தில் பிறந்தவர். தன் தந்தையை இழந்து, தாயின் அரவணைப்பிலேயே வளர்ந்தவர். அதன்படி, அவரை வளர்த்து ஆளாக்கிய அவரது தாயாருக்கும் தமிழ்நாட்டிற்கும் தற்போது இதன்மூலம் பெருமை சேர்த்துள்ளார்.

தனியார் நிறுவனத்தில் ஒன்றில் வேலை புரிந்துகொண்டே வீட்டையும் பார்த்து கவனித்துக்கொண்டு வந்தநிலையில், 2021ஆம் ஆண்டு நடந்த யுபிஎஸ்சி தேர்வில் தனது அயராத உழைப்பில் 6ஆவது attempt-ல் வெற்றி பெற்றுள்ளார். தோல்விகள் பல வந்தாலும் துவண்டுவிடாத மனம் கொண்டவருக்கே வாழ்க்கையில் வெற்றி நிச்சயம் என்பதை இந்தியாவிற்கே வெளிச்சமிட்டுக் காட்டியுள்ளார், இந்த தமிழ்நாட்டுப் பெண் ரம்யா.

ஐஏஎஸ் தேர்வில் அகில இந்திய அளவில் 46வது இடம் பிடித்ததை இனிப்பு வழங்கி கொண்டாடும் ரம்யாவின் தாயார்

கோவையில் பள்ளிப்படிப்பையும், தனியார் பொறியியல் கல்லூரியில் B.E - EEE பட்டம்பெற்றுள்ளார். இந்த நிலையில், இன்று (மே30) இது குறித்து நம்து ஈடிவி பாரத் ஊடகத்திற்கு பிரத்யேகப் பேட்டியளித்த அவர், 'இது மிகவும் மகிழ்ச்சியாக உள்ளது. Represents Global Arena தான் எனது குறிக்கோளாக உள்ளது.

இதற்கு முயற்சிப்பவர்கள், விடாமுயற்சியுடன் செயல்படவேண்டும். நான் முடிந்த அளவில் தானாகவே படிப்பேன். அம்மா ஐ.ஏ.எஸ் அகாடமியில் இலவச பயிற்சி பெற வாய்ப்பு கிடைத்ததைத் தொடர்ந்து, அதில் படித்து பயிற்சி மேற்கொண்டேன்' என்று மகிழ்ச்சியுடன் தெரிவித்துள்ளார்.

இதையும் படிங்க:UPSC தேர்வு முடிவு வெளியீடு; முதல் மூன்று இடங்களில் பெண்கள் ராஜ்ஜியம்.. 42ஆவது இடத்தில் தமிழ்நாடு!