கோவை மாவட்டம் பொள்ளாச்சியின் புகழ்பெற்ற சுற்றுலா தலமான வால்பாறைக்கு கேரளாவிலிருந்து தினமும் ஏராளமான சுற்றுலாப் பயணிகள் வந்து செல்கின்றனர். தற்போது கோடைக்காலம் என்பதால் வால்பாறைக்கு வரும் சுற்றுலாப் பயணிகளின் எண்ணிக்கை வழக்கத்தை விட அதிகமாக இருக்கும். ஆனால் நாடு முழுவதும் கரோனா வைரஸ் பாதிப்பு காரணமாக அனைத்து மாநில சுகாதாரத் துறையினரும் முன்னெச்சரிக்கை நடவடிக்கைகளை மேற்கொண்டுள்ளனர்.
இதன் ஒரு பகுதியாக வால்பாறை - சாலக்குடி சாலையிலுள்ள அதிரப்பள்ளி நீர் வீழ்ச்சி, வாளைச்சால் ஆறு ஆகிய சுற்றுலா தலங்களை நேற்று முன்தினம் முதல் கேரள அரசு மூடியுள்ளது. இதனைத் தொடர்ந்து கேரளாவிலிருந்தும் வால்பாறைக்குச் செல்ல சுற்றுலா பயணிகள் வால்பாறை சாலக்குடி சாலையை பயன்படுத்த கேரள வனத்துறை தடை விதித்துள்ளது.
வெறிச்சோடிய வால்பாறை