கோவையில் ரயில் முன் பாய்ந்த முதியவர்: கால் துண்டானதால் பரபரப்பு

கோவையில் ரயில் எஞ்சின் முன் பாய்ந்து தற்கொலை செய்ய முயன்ற முதியவரின் கால் துண்டான சம்பவம் பெரும் பரபரப்பை ஏற்படுத்தியுள்ளது.

கோயம்புத்தூர்: மத்திய ரயில் நிலையத்தில் நடைமேடையில் நின்று கொண்டிருந்த 60 வயது மதிக்கதக்க முதியவர், திடீரென கேரளா ரயில் எஞ்சின் முன்பு பாய்ந்து தற்கொலை செய்து கொள்ள முயன்றார்.

இதில் முதியவரின் கால் ரயில் சக்கரத்தில் சிக்கி துண்டாகியது. உயிருக்கு போராடி கொன்றிருந்த அவரை அங்கிருந்த பயணிகள் மற்றும் ரயில்வே காவல்துறையினர் மீட்டு, ஆம்புலன்ஸ் மூலம் கோவை அரசு மருத்துவமனைக்கு அனுப்பி வைத்தனர்.

முதற்கட்ட விசாரணையில் அவர் கோவை வடவள்ளியை சேர்ந்த மகேஷ் என்பது தெரியவந்துள்ளது. மேலும் இச்சம்பவம் குறித்து ரயில்வே காவல்துறையினர் தொடர்ந்து விசாரணை மேற்கொண்டு வருகின்றனர்.

இதையும் படிங்க:கோவையில் தமிழ்நாடு திருநாள் கண்காட்சி