கோவையில் பிப்ரவரி 21ஆம் தேதி ஜல்லிக்கட்டு போட்டி நடைபெறுகிறது. இதையடுத்து செட்டிபாளையம் சாலையில் உள்ள மைதானத்தில் போட்டிக்கான கால்கோலை அமைச்சர் எஸ்.பி.வேலுமணி இன்று (பிப். 9) நாட்டினர்.
இதன் பின்னர் செய்தியாளர்களிடம் அவர் பேசுகையில், “வரும் 21ஆம் தேதி கரோனா வைரஸ் பாதுகாப்பு நடவடிக்கைகளை பின்பற்றி ஜல்லிக்கட்டு போட்டி நடைபெற உள்ளது. ஜல்லிக்கட்டு விளையாட்டை மீட்டெடுத்த பெருமை அதிமுக அரசுக்குதான் உள்ளது.
கோவையில் நான்காவது முறையாக ஜல்லிக்கட்டு போட்டி நடைபெறவுள்ளது. கோவை மாவட்ட நிர்வாகம் மற்றும் ஜல்லிக்கட்டு சங்கம் இணைந்து நடத்தும் இந்தப் போட்டியில் பங்கேற்கும் காளைகள், வீரர்கள் எண்ணிக்கை ஒவ்வொரு ஆண்டும் அதிகரித்து வருகிறது.
ஜல்லிக்கட்டுக்கான கால்கோல் நாட்டும் நிகழ்ச்சியில் அமைச்சர் வேலுமணி