RATION RICE SEIZED: கோயம்புத்தூர் மாவட்டம், சூலூர் - சிந்தாமணிப்புதூர் டோல்கேட் பகுதியில் இரவு நேர ரோந்து பணியில் ஈடுபட்டிருந்த காவல் துறையினர் சந்தேகத்திற்கிடமான வகையில் வந்த லாரியை மடக்கியுள்ளனர்.
பின்னர் ஓட்டுநரிடம் விசாரணை நடத்தியபோது, அவர் முன்னுக்குப்பின் முரணாகப் பதிலளித்துள்ளார்.
இதனால் சந்தேகமடைந்த காவல் துறையினர், எந்தப் பகுதியிலிருந்து லாரி வருகிறது என விசாரித்தனர். பிறகு அந்த குடோனுக்குச் சென்று பார்த்தபோது, அங்கு மூட்டை மூட்டையாக ரேஷன் அரிசி பதுக்கி வைத்திருந்தது தெரியவந்தது.
இதனையடுத்து உடனடியாக சூலூர் காவல் நிலையத்திற்கு அளித்த தகவலின் பேரில், சம்பவ இடத்திற்கு விரைந்த சூலூர் ஆய்வாளர் தலைமையில் காவல் துறையினர் குடோனில் சோதனை மேற்கொண்டனர்.