சென்னை:கைதி, மாஸ்டர் திரைப்படங்களைத் தொடர்ந்து, லோகேஷ் கனகராஜ் கமல்ஹாசன் நடிப்பில் "விக்ரம்" என்ற படத்தை இயக்கியுள்ளார். இதில், கமல்ஹாசனுடன், விஜய் சேதுபதி, பகத் பாசில் உள்ளிட்ட முக்கிய நடிகர்கள் பலர் நடித்துள்ளனர்.
லோகேஷ் கனகராஜின் பிறந்தநாளன்று "விக்ரம்" திரைப்படத்தின் கிளிம்ப்ஸையும், வெளியீட்டுத் தேதியையும் நடிகர் கமல்ஹாசன் தனது ட்விட்டர் பக்கத்தில் அறிவித்திருந்தார். அதன்படி விக்ரம் திரைப்படம் ஜூன் 3ஆம் தேதி திரையரங்குகளில் வெளியாகவுள்ளது.